Eymundur Lúter Eymundsson
Útskrifaðist úr Starfsendurhæfingu Norðurlands vorið 2009 og Ráðgjafaskóla Íslands 11.desember 2009. Var á geðdeild FSA í mars 2008, Þrisvar á geðsviði Reykjalundar frá 2008 til 2012. Átta sinnum á Heilsustofnun í Hveragerði frá 2006. Var í geðfræðsluteymi Hugarafls og er einn af stofnendum Grófarinnar á Akureyri 10.október 2013. En Grófin er geðverndarmiðstöð sem hefur haft mikil og jákvæð áhrif á samfélagið frá stofnun og hjálpað ófáum að ná tökum á lífinu. Byrjaði með geðfræðsluteymi 2015 og farið í fimm ár í grunn- og framhaldsskóla. Teymið miðlar af sinni reynslu og bjargráðum og óhætt að segja þetta hefur hjálpað mikið og höfum fengið mikið lof fyrir. Við gerum það sem við hefðum viljað fá í æsku til að sjá hvað við værum að glíma við og það er ekkert að skammast sín fyrir að fá hjálp ef vanlíðan er farinn að stjórna lífinu. Vera opinn fyrir hjálpini og fá bjargráð og hafa yfir tvær stílabækur með límdum miðum frá ungmennum þar sem mikið þakklæti skín í gegn og þeim finnst við vera kjarkmikil. Geðfræðsluteymið hefur látið 100 ungmenni svara spurningum um gæði fræðslu og er óhætt að segja að fræðslan gaf mörgum von og fengum mikið hrós fyrir. Ég hef skrifað greinar og komið í viðtöl út af málefnum fólks með geðraskanir.Úskrifaðist sem félagsliði 2016. Með slitgigt og er öryrki en fyrst og fremst manneskja með mína kosti og galla eins og hver annar. Ég bý yfir þeim kosti að hafa lifað af myrkrið og fengið hjálp sem ég nýti til þess að láta gott mér leiða. Ég hef farið í þrjár mjaðmaliðaskiptinga sömu megin, með slit í hægri mjöðm og skrið í mjóbaki en á samt betra líf eftir að ég fékk hjálp út af mínum geðröskunum. Hef nýtt mér hjálpina frá 2005 eftir að ég sá hvað ég var búinn að glíma við síðan ég var krakki. Það er von en fyrst þarf maður að sjá hvað maður er að glíma við þar sem það var ekki talað um þessa hluti áður fyrr. En er mikill baráttumaður í dag fyrir vitrænum og réttmætum umræðum um fólk sem glímir við þessi veikindi. Það á ekki að vera skömm að vera maður sjálfur en stundum er gott að vita hvað maður glímir við til að geta tekist á við með opnum huga. Vill geta gefið það sem ég hef fengið eftir þá vinnu sem ég hef lagt á mig að það er von í myrkrinu sem getur kveikt ljós.
RSS
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.